Liberty vier vanjaar 60 jaar in die sakewêreld. Hier volg sommige van die belangrikste mylpale wat ons na aan die hart lê:

1957: Die 26-jarige Donald Gordon stig ʼn nuwe lewensversekeringsmaatskappy in Suid-Afrika.

1958: Liberty word geregistreer as ʼn maatskappy en verkoop sy eerste lewenspolis.

1960: Liberty stel die eerste aftree-annuïteitsprodukte in Suid-Afrika bekend.

1962: Liberty is die eerste lewensversekeringsmaatskappy wat op die Johannesburgse Aandelebeurs genoteer word.

1965: Saam met twee ander finansiële instellings stel Liberty Suid-Afrika se eerste effektetrust en die konsep van lewensversekeringsvoordele wat aan effektetrusts gekoppel is, bekend.

1967: Totale bates haal die perk van R10 miljoen.

1971: Liberty stel die Liberty Property Bond-polisreeks bekend en die Donald Gordon Foundation word gestig om die maatskappy se sosiale verantwoordelikheidsverpligtinge te bestuur.

1972: Liberty bekom die Suid-Afrikaanse bedrywighede van die Manufacturers Life Insurance Company of Canada en verdubbel oornag in omvang (verhoog sy bates tot meer as R100 miljoen).

Deel hierdie artikel:
Linked In | Facebook | Twitter | Email

U terugvoering is vir ons belangrik – gesels met ons!

Dankie vir die terugvoer wat ons tot dusver op hierdie nuusbriewe ontvang het. U kommentaar en voorstelle help ons om u van toepaslike inligting te voorsien om u geldsake te beplan en te bestuur.

Gaan asseblief daarmee voort om met ons te gesels en te laat weet wat u dink. U kan opmerkings per e-pos stuur aan [email protected].