Verseker dat jy jou kinders wys hoeveel jy omgee deur vir hulle geskenke te gee wat baie langer as die vakansie sal hou.
1. Die geskenk van ʼn finansiële opvoeding: Dit is nooit te vroeg om oor die beginsels van finansiële beplanning te leer nie. Om byvoorbeeld jou kinders te leer hoe ʼn effektetrust werk, sal hulle goed te pas kom wanneer hulle volwasse is.
2. Die geskenk van tyd. Tydens die feestyd is die fokus daarop om tyd saam met jou geliefdes deur te bring en, hoewel werksverpligtinge dikwels gedurende die jaar voorkeur kry, is dit noodsaaklik dat jou kinders die waarde van werk-lewe-balans leer. Hoekom beplan jy nie ʼn reeks koepons wat jy spesifiek vir elke kind kan aanpas nie, soos ʼn sportaand vir jou sterspeler of ʼn kookklas vir jou ontluikende kok nie? Jy sal nie net die geleentheid kry om tyd saam met hulle deur te bring nie, maar ook jou ondersteuning toon vir hul passie.
3. Die geskenk van finansiële sekuriteit. Dit lyk moontlik na iets wat vêr in die toekoms lê, maar deur te verseker dat daar vir jou kind se toekoms voorsien is, is een van die belangrikste geskenke wat jy kan gee. ʼn Belegging in ʼn produk vir jou kind se toekoms, of dit ʼn trust, belegging vir tersiêre onderwys of selfs ʼn manier is om hulle te help om hul eerste motor te koop, het meer gebruiksduur as die nuutste prinsespop.
4. Die geskenk van gee. Kinders assosieer dikwels die feestyd daarmee dat hulle “goed” kry. Waarom wys jy hulle nie dat dit ook oor gee kan gaan nie? Raak as gesin betrokke by ʼn plaaslike sopkombuis of raak kreatief en skenk ʼn Santa Shoebox. Indien jy nou ʼn filantropiese denkwyse by jou kinders kweek, sal jy verseker dat hulle altyd die behoeftes van die minderbevoorregtes in ag sal neem, veral tydens die feesseisoen.
|