Is jy deel van Generasie Y? Trek finansiële voordeel uit hierdie voordelige faktore
1. Tyd
Soos die spreekwoord sê, saamgestelde rente is die agste wonder van die wêreld, wat beteken hoe jonger jy is wanneer jy begin belê, hoe harder werk jou geld vir jou. Indien jy ʼn beleggingsopbrengs van slegs 10% per jaar ontvang, verdubbel jou geld elke sewe jaar en daardie sewe jaar kan die verskil tussen om gemaklik af te tree, of nie, beteken.
Indien jy teen jou dertigste verjaarsdag R100 000 in jou aftreefonds opgehoop het en dit nie onttrek wanneer jy van werk verander nie, sal daardie bedrag – gebaseer op ʼn opbrengs van 10% per jaar – tot R3,2 miljoen gegroei het teen ouderdom 65.
Indien jy jou aftreefonds in kontant omskakel wanneer jy van werk verander en eers op ouderdom 37 die R100 000 opgehoop het, sal jou geld sewe jaar minder vir jou kan werk en sal dieselfde R100 000 slegs R1,6 miljoen op ouderdom 65 werd wees.
Indien jy vroeg begin |
|
Indien jy later begin |
|
Ouderdom 30 |
R100 000 |
Ouderdom 30 |
- |
Ouderdom 37 |
R200 000 |
Ouderdom 37 |
R100 000 |
Ouderdom 44 |
R400 000 |
Ouderdom 44 |
R200 000 |
Ouderdom 51 |
R800 000 |
Ouderdom 51 |
R400 000 |
Ouderdom 58 |
R1,6 miljoen |
Ouderdom 58 |
R800 000 |
Ouderdom 65 |
R3,2 miljoen |
Ouderdom 65 |
R1,6 miljoen |
2. Toekomstige inkomste
Aan die begin van jou loopbaan het jy die meeste toekomstige salaristjeks wat jy ooit sal hê. Op ouderdom 25 het jy nog 480 salaristjeks tot op ouderdom 65. Indien jou beginsalaris R20 000 per maand is en jy slegs inflasie-gekoppelde verhogings ontvang, sal jy teen vandag se waarde R9,6 miljoen oor jou leeftyd ontvang.
Eerstens moet jy verseker dat jy jou grootste bate – jou toekomstige inkomste – teen ongeskiktheid en swak gesondheid beskerm. Tweedens, moenie die toekoms verkwis nie – maak seker dat jy elke maand ʼn gedeelte van daardie salaristjek spaar vir die toekoms, sodat jy eendag nie vir salaristjeks hoef te werk nie.
3. Buigsaamheid
Hierdie is die fase van jou lewe waartydens jy buigsaamheid en keuses het, voordat jy vestig, ʼn huis koop, ʼn troeteldier kry, trou en kinders kry. Jy kan moontlik verskeie kere van werk verwissel voordat jy die werk vind wat jy regtig wil doen. Maak net seker dat jy nie tydens hierdie fase jou groeiende welvaartbasis erodeer nie en gebruik die vryheid om jou welvaartskepping ʼn hupstoot te gee – bewaar jou pensioen wanneer jy van werk verander.
4. Aanskaffingsfase
Namate buigsaamheid in aanskaffing omskakel, is dit die fase waartydens jy begin om bates op te bou. Jy sal ʼn motor wil koop en daarna ʼn huis. Maak net seker dat jy die verskil verstaan tussen bates wat in waarde toeneem (appresieer) en waarde verminder (depresieer). ʼn Huis is ʼn bate wat in waarde toeneem en om ʼn lening uit te neem is die moeite werd, aangesien die eiendom later meer werd sal wees as wat jy daarvoor betaal het. ʼn Motor, daarteenoor, verminder in waarde sodra dit die handelaar se perseel verlaat. Wend ʼn poging aan om ʼn motor kontant te koop, of koop ten minste een wat jy oor ʼn kort tydperk kan afbetaal sodat jy geld beskikbaar sal hê om in ʼn huis te belê.
5. Gesondheid
Vanuit die oogpunt van ʼn versekeraar is jy die gesondste wat jy ooit sal wees, dus kan lewens-, ongeskiktheid- en gevreesde siekte dekking baie goedkoop wees. Namate jy ouer word, word dekking duurder en indien iets soos ʼn motorongeluk of gevreesde siekte met jou gebeur, kan jy minder versekerbaar raak. Benut jou goeie gesondheid om vaste premies vir bekostigbare versekering te onderhandel. |
Wat gaan met jou Own your Life Rewards gebeur?
Indien jy ʼn lid is van die Own your Life Rewards-program, het jy waarskynlik reeds kennis gekry dat die program uitgefaseer word en dat dit binne ʼn jaar, op 31 Maart 2017, gestaak word.
Vir meer inligting in dié verband, kontak gerus u finansiële adviseur of besoek: www.ownyourliferewards.co.za.
|