Indien jy ʼn lid is van die Own your Life Rewards-program, het jy waarskynlik reeds kennis gekry dat die program uitgefaseer word en dat dit binne ʼn jaar, op 31 Maart 2017, gestaak word.
Lojaliteitbeloningsprogramme is ʼn wonderlike manier om waarde toe te voeg tot jou kliëntebasis, maar slegs indien die program aan die behoeftes en verwagtinge van die meerderheid van die kliënte voldoen.
Ongelukkig het ons gevind dat die meeste van ons kliënte, as gevolg van die vermenigvuldiging van beloningsprogramme, reeds lede van die bestaande programme van banke en kleinhandelaars is, wat aanleiding gegee het tot min belangstelling in die Own your Life Rewards-program. Dit het tot gevolg gehad dat die program nie as ʼn ware waardetoevoegende produk deur die meerderheid van ons kliënte beskou is nie.
Aangesien slegs tussen 10% en 15% van ons lojaliteitbeloningsprogram-kliënte die program aktief benut het, het die meerderheid in werklikheid die minderheid gesubsidieer. Ons het dus nie gevoel dat die program voldoen het aan ons vereiste om dienste te verskaf wat waarde toevoeg of ons produk-aanbod differensieer nie.
Ons het begrip vir die teleurstelling van lede wat die program se voordele benut het, maar ons gee die versekering dat ons meer innoverende en doelgerigte maniere sal vind om ons waarde-aanbod uit te bou.
Vir meer inligting in dié verband, kontak gerus u finansiële adviseur of besoek: www.ownyourliferewards.co.za
|