Februarie is ʼn betekenisvolle maand – dis die laaste geleentheid wat jy het om voordeel te trek uit enige aanvullings tot jou aftreefonds en die Nasionale Begroting word aangekondig, wat bepaal hoeveel belasting jy betaal. Daar kan moontlik ook veranderinge aangekondig word wat alle areas van jou finansiële beplanning beïnvloed, ingesluit boedelbeplanning en beleggingsportefeuljes. Hier volg sommige vrae oor moontlike belastingaanpassings wat jy jou finansiële adviseur behoort te vra.
1. Hoe het die inkomstebelastingtabelle verander?
Hoe sal enige veranderinge in inkomstebelasting jou netto salaris beïnvloed?
Indien daar enige veranderinge in dividendbelasting, rente of maatskappybelasting is, bepaal hoe dit jou beleggings raak.
2. Is daar enige veranderinge in die belastingkrediet op mediesefondsbydraes?
Mediese uitgawes is duur vir enige individu. Dit speel ʼn wesenlike rol, gegewe die finansiële impak wat dit op jou totale salaris en spaargeld kan hê. Beïnvloed dit jou lewenskostes of begroting. Indien wel, hoe?
3. Hoe sal ʼn verhoging in heffings jou begroting affekteer?
Elke jaar word verhogings in heffings op byvoorbeeld elektrisiteit en brandstof aangekondig, asook verhogings in die sogenaamde “sondebelastings” (tabak en alkohol). Hoe affekteer dit jou begroting?
4. Hoe beïnvloed die veranderinge in aftreefondse jou finansiële plan?
Die veranderinge in aftreefondse tree op 1 Maart 2016 in werking. Dit skep ʼn geleentheid om jou aftreespaargeld te verhoog en vereis ook veranderinge aan jou aftreeplan, veral indien jy aan ʼn voorsorgfonds behoort.
5. Het die begroting voorsiening gemaak vir enige verandering in maatskappybelasting of enige nuwe voordele?
Indien jy in eie diens of ʼn entrepreneur wat sy eie besigheid binne ʼn maatskappystruktuur bestuur is, watter nuwe aansporings – soos maatskaplike en vaardigheidsontwikkelingstoelaes – is bygevoeg wat jou besigheid kan bevoordeel?
Jou adviseur moet bewus wees van veranderinge in jou persoonlike omstandighede. Bespreek die volgende:
Salarisaanpassing: Dit sal lei tot ʼn verskillende berekening van jou totale belastingaftrekking. Dit sluit inkomste uit alle bronne in om jou oorhoofse belastingaanspreeklikheid te bepaal, terwyl die nuwe belastingtabelle toegepas word.
Byvoegings of verliese tot die familie of enige lewensveranderende gebeurtenisse wat jy beleef het: Dié gebeure het ʼn noemenswaardige uitwerking op jou dag-tot-dag-finansies, sowel as jou langtermyn finansiële plan. Dit is noodsaaklik dat jy jou boedelbeplanning, versekering, huishoudelike begroting en beleggings hersien.
Bydraes tot aftreeprodukte: Trek jy voordeel uit die verhoging in die belastingvrye bedrag wat jy vir aftrede kan spaar?
Aankoop van nuwe bates: Dit is belangrik dat jy beide jou huidige en toekomstige bates en verpligtinge jaarliks opdateer. Bates sluit in jou motor, huis en beleggings, terwyl jou verpligtinge skuld of toekomstige finansiële verpligtinge soos skoolfooie insluit. Maak seker dat jou verpligtinge voldoende verseker is om beide jou gesin en jou persoonlike finansies te beskerm.
Spaargeld: Is jy op dreef vir ʼn gemaklike aftrede en vir watter kort- en mediumtermyn doelwitte moet jy spaar?
|
