MAKSIMALISEER JOU BELASTINGTOEGEWING
Jy sal elke jaar die belasting terugkry wat jy betaal het op enige geld wat in ʼn aftreeproduk gespaar is, onderhewig aan sekere voorwaardes.
Dit sluit beleggings in enige pensioen- of voorsorgfonds, sowel as ʼn aftree-annuïteit (AA) in. Die eerste twee produkte word gewoonlik deur jou werkgewer verskaf en die belasting sal bereken word as deel van jou salaris.
ʼn AA is gewoonlik bykomend tot dié spaargeld en word persoonlik uitgeneem. Vir individue in eie diens of waar ʼn maatskappy nie aftreevoordele verskaf nie, sal dit die hoofbron van aftreespaargeld wees.
Dit beteken dat jy geld belê wat reeds belas is, maar die goeie nuus is dat jy in staat sal wees om die belasting wat jy daarop betaal het terug te kry as ʼn korting. Dit is die beste om jou belastingsituasie met ʼn belastingdeskundige te bespreek, aangesien ons dikwels geleenthede verbeur bloot omdat ons nie daarvan geweet het nie.
Buiten dat minder inkomstebelasting betaal word, is ʼn AA ook vrygestel van alle beleggingsbelastings, wat belasting op rente-inkomste, dividendbelasting en kapitaalwinsbelasting insluit. Oor ʼn tydperk van 25 jaar sal die besparing op hierdie belastings jou finale aftreevoordeel met ten minste een derde laat styg.
Die samevoeging van die besparing op inkomstebelasting en die belasting wat in die fonds gespaar word, kan die aftreevoordeel effektief verdubbel vergeleke met ander belasbare beleggingsprodukte.
HOEKOM IS 29 FEBRUARIE SO ‘N BELANGRIKE DATUM
Vir ons is 31 Desember die dag waarop ons die ou jaar vaarwel toeroep en die nuwe jaar verwelkom. Vir die SA Inkomstediens eindig die jaar egter op ʼn ander datum: die huidige belastingjaar eindig op 29 Februarie en die nuwe een begin op 1 Maart. Indien jy vir jou aftrede spaar, verseker dat jy dié belastingvoordeel elke jaar voor die einde van Februarie benut. Daar is geen uitstelperiode of uitsonderings nie.
Wat beteken dit vir jou?
- Indien jy voor 29 Februarie in jou AA, pensioen- of voorsorgfonds belê, sal dit steeds deel uitmaak van die huidige belastingjaar.
- Indien jy op 1 Maart of daarna belê, sal dit deel uitmaak van die volgende belastingjaar.
Dit is belangrik om te onthou dat jy steeds die belastingvoordeel vir spaar vir jou aftrede sal ontvang – die enigste verskil is die belastingjaar waarin dit verreken sal word.
Kom ons kyk na ʼn voorbeeld: John besef dat hy nog ʼn R10 000-bydrae tot sy AA kan maak en die belastingvoordeel daarop kan kry.
Indien hy die betaling maak sodat dit op sy polis verreken word voor 29 Februarie, sal dit deel wees van sy belastingopgawe vir hierdie jaar.
Indien hy vergeet en die betaling so maak dat dit eers op of na 1 Maart op sy polis weerspieël word, sal die geld eers in sy volgende belastingopgawe verreken word. Dit beteken hy sal die belastingkorting wat hy in die huidige belastingjaar kon verdien het, verbeur en hy sal nie ʼn belastingkorting ontvang nie.
SAAMGESTELDE RENTE IS JOU VRIEND
Hoe vroeër jy begin spaar, hoe meer kan jy die krag van saamgestelde rente benut. Hoe meer tyd jy spandeer om te spaar, hoe meer sal die groei op jou belegging aan jou groei verskaf. Jy sal groei op groei kry. Indien jy so daaroor dink, hoe meer tyd jy het om te spaar, hoe meer groei sal jy verdien – en hoe meer groei sal jy op daardie groei verdien.
Onthou die 72-Reël dat indien jy net meer as 10% groei per jaar op jou belegging kry, sal jou geld binne sewe jaar verdubbel. Dus, hoe langer jy geld op belegging het, hoe meer sal dit vir jou groei. Jy kan dit gebruik om ʼn vinnige berekening te maak van ongeveer wat verwag kan word van ʼn bedrag wat oor ʼn lang periode gespaar word. |
