So min as R500 ekstra per maand kan jou op die lange duur R200 000 spaar. Hier’s hoe jy dit regkry...

Indien jy onlangs ʼn verband uitgeneem het, het jy heel moontlik op jou verbandstaat opgemerk dat die rente wat elke maand gehef word bykans dieselfde is as jou maandelikse terugbetaling. Gedurende die eerste paar jaar van jou verbandterugbetaling maak rente ʼn groot gedeelte van die betaling uit. In die onderstaande voorbeeld sou ʼn verband van R750 000 teen ʼn 10% rentekoers ʼn terugbetaling van R86 851 per jaar vereis, waarvan slegs R12 410 aangewend word om die kapitaalbedrag te verminder.

Namate vordering gemaak word om die kapitaal te verminder, verminder die bedrag wat aan rente betaal word dienooreenkomstig, wat meer geld beskikbaar stel om die kapitaal te verminder. Dit het tot gevolg dat R30 411 teen die 10de jaar vir kapitaaldelging aangewend word en teen die finale jaar word 95% van die betaling vir kapitaaldelging aangewend.

Dit is hoekom dit so voordelig is om elke maand iets ekstra in jou verband in te betaal – elke ekstra rand delg kapitaal en verminder dus die bedrag wat jy aan rente betaal.

Die onderstaande grafiek illustreer die onderskeie amortisasiekurwes (delgingskurwes) en die effek op huiseienaars, afhangende van hoeveel hulle maandeliks aan hul verband betaal.

Hierdie grafiek illustreer ʼn lening van R750 000 teen ʼn rentekoers van 10% per jaar oor 240 maande (20 jaar). Die aanname is dat ʼn rentekoers van 10% oor die volle termyn sal geld. 

Normale delging (blou lyn)

Indien jy die minimum paaiement betaal, sal jy die verband oor 240 maande afbetaal. Jy sou oor die termyn R987 083 slegs aan rente betaal het.

Bykomende betalings (groen lyn)

Indien jy R500 per maand addisioneel betaal, sal jy die verband binne 200 maande (net minder as 17 jaar) afbetaal en R200 000 aan rentebetalings bespaar.

Onderbetaling (rooi lyn)

Indien jy R500 minder as wat vereis word betaal, of indien jy wisselvallige betalings maak, sal jy na 20 jaar net minder as R400 000 op jou huis skuld.

In die lig van die onheilspellende afskop van die finansiële markte vanjaar, het ons Stanlib Direkteur Paul Hansen gevra of daar ʼn lig aan die einde van die tonnel is en of dit ʼn aankomende trein is.

Geluk is nie ʼn ontwykende toestand waarmee sommige mense bloot geseën is nie. Jou geluk-kwosiënt beïnvloed jou lewensuitkyk en werk – en jy kan dit beheer.

ʼn Jaar later as wat verwag is, is die 2015-Belastingwysigingswet uiteindelik onderteken en in wetgewing vervat. Dit sal spaar vir jou aftrede beïnvloed – positief.

Om finansieel kerngesond te wees, is nie ingewikkeld nie, maar ons vergeet dikwels die basiese aspekte. Probeer hierdie eenvoudige metodes om jou beursie hierdie jaar ʼn hupstoot te gee.

Het U 'n vraag? Ons is hier vir jou!

Dankie vir die terugvoer wat ons tot dusver op hierdie nuusbriewe ontvang het. U kommentaar en voorstelle sal ons help om U van toepaslike inligting te voorsien om U geldsake te beplan en te bestuur. Gaan asseblief daarmee voort om ons te kontak en te laat weet wat U dink.

U kan ook hier klik om deel te neem aan ons meningspeiling.