Baie min Suid-Afrikaners het genoeg spaargeld om gemaklik af te tree. Die regering het ʼn aantal belastinghervormings ingestel om dit meer aanloklik te maak om in aftreefondse te belê. Die meerderheid lede van aftreefondse sal groter belastingaftrekkings op hulle bydraes tot ʼn pensioenfonds, voorsorgfonds of aftree-annuïteit ontvang. Die regering het ook die speelveld tussen die verskillende soorte aftreefondse gelyk gemaak, dus sal lede van voorsorgfondse verplig word om twee derdes van hulle voordele as ʼn pensioen te neem, teenoor ʼn enkelbedrag in kontant. Die totaal van jou voorsorgfondsvoordele tot op 1 Maart 2016, plus die groei daarop, word nietemin as “gevestig” beskou en kan steeds by aftrede as ʼn enkelbedrag onttrek word, sou jy so verkies. Hierdie aftreebelastinghervormings is ʼn positiewe stap om aftreespaargeld te beskerm sodat lede gerus kan wees in die wete dat hulle voordele veilig is.
Die vier belangrikste belastingveranderinge en wat jy van hierdie wetgewing behoort te weet:
- Daar sal veranderinge wees in die belastingaftrekkings wat werkgewers en lede/werknemers kan eis wanneer hulle bydra tot ʼn aftreefonds.
- Voorsorgfondsaftreevoordele sal gelykgestel word met die aftreevoordele uit pensioenfondse en aftree
- Die vermoë om aftreespaargeld belastingvry tussen verskillende tipes aftreefondse oor te dra, sal verbeter word.
- Die minimumwaarde van aftreevoordele wat as ʼn enkelbedrag onttrek kan word, sal verhoog word.
Die belangrikste aspekte wat nie op T-dag sal verander nie:
- Voortgesette lidmaatskap van ʼn aftreefonds (indien jy reeds ʼn lid is).
- ʼn Lid se vermoë om sy/haar aftreespaargeld as ʼn kontant enkelbedrag by bedanking, afdanking of aflegging te neem gaan nie verander nie. Met ander woorde, daar is geen verpligte bewaring nie.
Nietemin word die neem van ʼn enkelbedraguitbetaling nie aanbeveel nie, maar eerder die bewaring van jou aftreespaargeld in ʼn bewaringsfonds.
As ʼn lid van ʼn pensioen/voorsorg/aftree-annuïteitfonds sal jy in staat wees om ʼn belastingaftrekking van tot 27,5% van jou inkomste te eis. Dit beteken dat indien jy tot meer as een fonds bydra, die perk op die totaal van al die bydraes wat jy maak van toepassing sal wees. Byvoorbeeld, indien jy tans 7,5% tot jou pensioenfonds bydra, kan jy ʼn verdere 20% tot ʼn aftree-annuïteit bydra. Die nuwe belastingperk is nietemin onderhewig aan ʼn jaarlikse maksimumperk van R350 000.
Met inagneming van kliënte se behoefte aan sekuriteit in ʼn onsekere ekonomie, het Liberty onlangs Agile, ʼn aftree-annuïteit en bewaringsfonds ontwerp wat beleggersinkomste na aftrede sal waarborg.
|
