Die aantal Suid-Afrikaners wat beplan om oor die volgende ses maande òf dieselfde òf meer te spaar, het volgens 'n opname wat deur MasterCard oor die koopprioriteite van verbruikers gedoen is,
oor die afgelope ses maande van 92% tot 70% afgeneem.
Hierdie syfers suggereer dat mense meen daar sal oor die volgende ses maande minder wees om te spaar. Hoewel dit nie altyd gestalte kry nie, is mense se voornemens in die algemeen om
meer te spaar as wat hulle huidiglik doen en die enigste rede waarom hulle die voorgenome spaarbedrag sal verminder, is wanneer hulle weet daar is nie geld om te spaar nie. Dit het
uit die opname se bevindinge aan die lig gekom dat 83% van dieselfde verbruikers bevestig het hulle is onseker oor die ekonomie. As hulle wel spaar, is dit as 'n 'voorkomende maatreël'.
Op 'n meer positiewe noot het net minder as die helfte (47%) van die respondente wat beplan om 'dieselfde of meer' te spaar, gesê 'aftrede' is hul vernaamste motivering om te spaar.
Dit verteenwoordig 'n styging van 10% vergeleke met die voorafgaande 6 maande, gevolg deur 'beleggings' op 35%.
Uit erkenning vir die feit dat Julie as Spaarmaand uitgesonder word, het ons aan ons lesers wenke gegee om daardie ekstra bietjie kontant te vind om hulle aan die spaar te hou.
Vriendelike groete
Steven Braudo
Hoof uitvoerende beampte: Liberty Kleinhandel SA
|