Begroting
- Skryf jou begroting neer en maak seker dat jy al jou gebruiklike finansiële verpligtinge soos jou verband- en motorpaaiemente, diensgelde en debietorders nakom.
- Gebruik net wat oorbly vir geskenke en vermaaklikheid.
- Begin nou reeds jou geskende en versierings koop, sodat jy die koste oor twee maande kan versprei.
Bepaal jou pas
Die meeste van ons word vroeg in Desember betaal en daar is altyd die versoeking om jou Januarie-geld in die feesseisoen te bestee. Dit sal egter beteken dat jy nie jou verpligtinge sal kan nakom nie, en waarborg ‘n swak wegspring vir die Nuwejaar.
Bêre die geld wat jy vir jou Januarie-uitgawes gaan benodig, of betaal die rekeninge virJanuarie vroegtydig.
Bly by kontant
- Bereken hoeveel jy kan bekostig om op geskenke te bestee, en hou daarby.
- Sit die geld wat jy beplan om te bestee, in ‘n koevert en maak seker dat dit die enigste beskikbare geld is om te bestee. Dit sal jou help om nie jou kredietkaart te begin gebruik wanneer jy eers in die winkels is nie.
- Doen jou inkopies vroegtydig sodat jy nie gejaagd en onder druk is om meer te bestee as waarvoor jy aanvanklik begroot het nie.
Wees verbeeldingryk
Wanneer dit by geskenke kom, dink aan klein luukses wat mense nie meer in hierdie moeilike tye vir hulself koop nie, soos ‘n bos blomme of badsout.
As jou familie vir ‘n feesmaal gaan byeenkom, laat elke familielid as geskenk tot die maaltyd bydra.
Wees vrygewig
Die ekonomie sukkel om te herstel; dus – al voel jy ook die knyp, onthou daar is ander wat sukkel om kos op die tafel te sit. Gee skenkings soos kos, klere en speelgoed aan diegene wat nood het, sodat hulle ook die gees van vrygewigheid kan ervaar.