The Agile Retirement Range, die eerste in sy soort, sal aan kliënte sekerheid bied met betrekking tot daardie deel van die aftree-annuïteit wat belê is in die Exact Income Fund, ongeag hoe die markte presteer.
“Agile gee aan kliënte die opsie om ‘n gedeeltelik gewaarborgde inkomste tydens aftrede te kry, gekombineer met die vermoë om in ooreenstemming met hulle aftreestrategie in veelvuldige portefeuljes te belê. Geen ander aftreeprodukte bied jou die buigsaamheid van mededingende beleggingsopbrengste en risikovrye sekerheid nie,” sê Mark Lapedus, Hoof van Produkontwikkeling by Liberty Beleggings.
Dit beteken dat jy in staat sal wees om jou aftrede met ‘n tweeledige benadering te benader – deur ‘n gedeelte te belê om ‘n inkomste tydens aftrede te waarborg, terwyl bykomende aftreefondse toegewys word aan hoër risiko beleggingsportefeuljes om voordeel te trek uit groei in die aandelemark met behulp van ‘n keuse van meer as 100 portefeuljes van 15 bestuursmaatskappye, wat aan bykans enige aftreestrategie kan voldoen.
Verdeling van portefeulje
Agile bestaan uit twee komponente. Die eerste deel funksioneer meer soos wat jou tradisionele aftree-annuïteit tans doen, met ‘n keuse uit ‘n reeks portefeuljes wat inkomste sal genereer. Verder is daar die Exact Income Fund wat vandag aan jou sekerheid oor jou aftree-inkomste verskaf, en aan kliënte die unieke kombinasie van buigsaamheid en langtermyn-sekerheid gee.
“Die Exact Income Fund werk baie eenvoudig – elke keer wanneer ‘n belegging daarin gemaak word, sal dit ‘n gewaarborgde inkomste vanaf aftrede vorentoe verseker, ongeag hoe die markte presteer of hoeveel annuïteitstariewe kan verander. Indien jy ‘n jonger belegger is wat agressiewe groei in jou portefeulje verlang, mag jy dalk verkies om minder toe te wys aan die Exact Income Fund, terwyl ouer beleggers – moontlik met ongeveer 20 jaar voor hulle aftree, potensieel kan verkies om ‘n groter gedeelte in die Exact Income Fund te belê,” verduidelik Mark.
Die Agile-aanbieding verwyder baie van die angs rondom ‘n gebrek aan sekerheid oor jou aftree-inkomste. “Ons navorsing het aan die lig gebring dat wanneer aftrede ter sprake kom, het elke persoon wat vir aftrede spaar dieselfde, identiese doelwit: Inkomste. Meer spesifiek, ‘n inkomste tydens aftrede om die inkomste wat die persoon verdien en van lewe terwyl hy of sy nog werk, te vervang. Ons was verbaas dat ons nie ‘n enkele aftree-spaarproduk in Suid-Afrika kon vind wat die vermoë het om sekerheid te gee in terme van dié doelwit nie, en as ‘n kliënt-gesentreerde organisasie, het ons ‘n behoefte geïdentifiseer – Agile voldoen aan daardie behoefte,” sê Mark.
Mense leef langer
Mense leef langer. Om vir jou aftrede te beplan en te hoop vir die beste, is nie meer voldoende nie – om te weet hoeveel jy tydens aftrede sal verdien, het noodsaaklik geword, veral in die lig van ‘n onstuimige ekonomie.
“Die huidige beleggingsrealiteit is dat geen finansiële instelling jou aftree-inkomste kan waarborg nie. Die beste wat hulle kan doen, is om te voorspel wat jy kan verdien. Agile verander die situasie deur jou aftree-opbrengs gedeeltelik te verseker, en daardeur jou ‘n wye keuse te gee wat jou toelaat om nie in een nie, maar veelvoudige portefeuljes gelyktydig te belê. Ons het gedink: Hoekom sal jy jou toekoms op risiko plaas indien jy dit kan verseker? En dit is die motivering vir Agile,” sê Mark.
Vir meer inligting oor die The Agile Retirement Range besoek www.libertyagile.co.za
|
