Om iemand skielik te vra om hul uitgawes met 10% te besnoei sal ‘n moeilike opdrag wees, veral aangesien die meeste mense se inkomste alreeds ten volle toegewys is aan skuldterugbetalings, skoolfooie en basiese benodigdhede soos kruideniersware en nutsdienste.
Die beste manier om te begin spaar is om jouself daartoe te verbind om bykomende toekomstige inkomste te spaar. Die “Spaar Meer Môre”-plan soos beskryf in die boek Nudge beveel aan dat jy ‘n vyfjaar doelwit stel om die bedrag wat jy jaarliks spaar, met ‘n klein persentasie van jou salarisverhoging te vermeerder totdat jy 10% van jou salaris spaar.
Die skrywers Richard Thaler en Cass Sustein het dié beginsel in Australië bekend gestel en, na vier jaar, is 78% van die mense steeds toegewyd aan die plan. Die gemiddelde belegger het hulle vlak van besparing oor die vier jaar van 3.5% tot 13.6% verhoog.
Hoe kry jy dit reg?
Indien jy hierdie jaar ‘n 7% salarisverhoging ontvang, teken onmiddellik ‘n debietorder om 2% van jou verhoogde inkomste in ‘n spaarrekening the belê. Onderneem om elke jaar die debietorder met ‘n addisionele 2% van jou salaris te verhoog. Binne vyf jaar sal jy 10% van jou salaris spaar sonder om jou besteding in te kort. ‘n Ander manier om dit te bereik, is om jouself te verbind om ‘n bedrag te spaar wat elke jaar met ‘n paar persent hoër as die inflasiekoers verhoog, byvoorbeeld ‘n 9% of 10% eskalasie op jou maandelikse spaarplan. |
